Višestruka korist izgradnje maslinarskog puta

 Višestruka korist izgradnje maslinarskog puta

Počela je izgradnja maslinarskog  puta  na lokalitetu Sumina. Vlasnici više od 2 000 stabala maslina koja se nalaze u maslinjacima na području prigradskog naselja Mirovica, navode da je put dužine   385 metara i potrebno je da se u okviru privatnih maslinjaka proširi, kao i da se urede podzide i podloga kako bi se mogao koristi i vozilima pristupiti maslinjacima.

Svih dvadeset maslinara, vlasnika maslinjaka Sumine je spremno da bez bilo kakve nadoknade ustupi dio privatnog zemljišta kako bi se postojeći put proširio i priveo namjeni, naveli su maslinari.

Fot: Kroz maslinjake put dužine   385 metara

-Svjesni smo da bez odgovarajućeg puta i bez primjene savremenih agrotehničkih mjera ne možemo računati na ozbiljan i ekonomsko isplativ rod maslina kao i prinos kvalitetnog maslinovog ulja. Iako je za poljorivredne proizvođače ovo izuzetno velika investicija odlučili smo  da realizaciju projekta pokrenemo  iz sopstevnih sredstava, navodi   Nikola Demirović, jedan od inicijatora izgradnje maslinarskog puta.

Prema njegovim riječima, izgradnjom puta bi se obezbjedila i protivpožarna zaštita ovog ugroženog područja.

-Tokom požarnih sezona svi strijepe od bilo kakve varnice jer zbog nemogućnosti pristupa protivpožarnih vozila sve bi izgorjelo u kratkom roku. Sigurni smo  da su  stabla maslina stara više stotina godina prirodno i kulturno bogatsvo grada i države i njihova vrijednost mnogostruko prevazilazi troškove izgradnje ovog puta.

Fot:Izgradnjom puta bi se obezbjedila i protivpožarna zaštita ovog ugroženog područja

Udruženje Društvo maslinara Bar prepoznaje značaj izgradnje putne infrastrukture kroz maslinjake i snažno podržava akciju izgradnje maslinarskog puta Sumina, navodi Demirović.

 Društvo je spremno da se u ukviru svojih mogućnosti maksimalno angažuje kako bi maslinarima pomoglo da se uz njihov samodoprinos prikupe i nedostajuća sredstva za završetak puta.

Maslinari navode da je vrijednost izgradnje puta  mala u odnosu na značaj koji ima njegova izgradnja kako sa aspekta primjene svih agrotehničkih mjera tako i sa aspekta zaštite od požare. Organizatori izgradnje puta se nadaju podršci Opštine Bar, Ministarstva poljoprivrede, društveno odgovornih kompanija i svih građana dobre volje. Pomoć je dobro došla,  bila ona u novcu ili u materijalu.

Fot: U maslinjacima je neophodno urediti podzide

-Solidarnost u ovako za vlasnika maslinajaka i za samo društvo vrijednim investicijama u Baru nikada nije izostala pa se nadaju da se u Baru prepoznaje značaj maslinarstva i da će podrška bidi višestruka, a put u potpunosti završen, zaključuju maslinari.

Avatar

Biljana Dabić

Pročitajte još