Potrebna pomoć – vaše malo znači…
Nevladino udruženje Žene Bara pokrenule su ovih dana još jednu humanu akciju kako bi pomogle našem sugrađanu, ocu troje djece, za liječenje, s obzirom na to da hemoterapija iziskuje značajna sredstva.
“ Marko Junković, naš sugradjanin, mladi čovjek, suprug i otac troje djece, živi svoju noćnu moru. Poslije niza nesrećnih okolnosti, od naizgled bezazlenog loma i dobroćudnog tumora, do amputacije noge i predstojeće hemoterapije, on i dalje uspravno stoji, hrabreći ženu i djecu. Vjeruje Marko u bolje sutra.
Vjerujemo i mi i svi koji ga poznaju, vjeruju da će se izboriti i gledati kako mu djeca rastu i stasavaju. Da će se radovati njihovom i svom životu, naš Baranin, Marko Junković, hrabri, mladi čovjek”, navode iz NVU Žene Bara uz molbu da se pomogne Marku i njegovoj porodici.
-Mala je nadoknada bolovanja za petočlanu porodicu u kojoj se od toga živi. Svaki nalaz, lijek, snimak, na putu liječenja, košta. Niko nije pošteđen u ovom teškom vremenu i prostoru u kojem živimo. Molimo vas, dobri ljudi, velikog , uplatite koliko možete, navode iz NVU Žene Bara.
Uplata se može izvršiti na račun NVU Žene Bara 565-3443-40 Lovćen banka Za Marka Elektronski : 565-0000000003443-40
