Našem mladom sugrađaninu Marku Nikiću potrebna pomoć za liječenje u Turskoj

 Našem mladom sugrađaninu Marku Nikiću potrebna pomoć za liječenje u Turskoj

Tridesetčetvorogodišnjem Baraninu Marku Nikiću, koji se trenutno nalazi na liječenju na AciBadem klinici, potrebna je naša pomoć kako bi pokrio troškove boravka u Istanbulu. Njega u petak očekuje operacija tumora. Fond za zdravstveno osiguranje pokriva troškove operacije, ali ne i ostale izdatke, koji nijesu mali. Sa ciljem bržeg prikupljanja sredstava, apel za pomoć uputilo je i NVU Žene Bara, a humanitarni turnir je za nedjelju zakazao Arena Court. Podršku je pružila i JZU Dom zdravlja Bar, kao i PUB Krigla, koji će pazar zarađen u petak preusmjeriti za liječenje mladog Baranina.

Novac može da se uplati na broj žiro računa Marka Nikića, kod Addiko Banke 555000900238399817.

Humanitarni turnir počeće u 17 časova, u nedjelju, u kategorijama U18 i seniori, a prijave se vrše putem broja telefona 069440466, ili Instagram stranice @arenacourtbar.

Vlasnik PUB-a Krigla Aleksandar Ćosović kaže će jedan dan biti odvojen za Marka.

„Neka to bude petak od 07.00-24.00. Ne radim ovo ni zbog slave ni zbog zarade. Ko me zna razumije, pića ima Bogu hvala trenutno dovoljno tako da od tog pazara moramo odbiti samo dopunu asortimana. Sav ostatak pazara preusmjerićemo na sredstva za pomoć Marku“, napisao je u Fejsbuk objavi Ćosović.

Avatar

Sonja Jovanović

Pročitajte još